රත්‍රං වලට සමාන ලෝහයක් නීති විරෝධී ලෙස රැගෙන පැමිණි පුද්ගලයෙක් අත්අඩංගුවට.
භාණ්ඩ නිෂ්පාදනයට සහ රථ වාහන අමතර කොටස් නිෂ්පාදනය සඳහා භාවිතා කරන පැලෑඩියම් නමැති ලෝහ විශේෂය නීති විරෝධී ලෙස මෙරටට ගෙන ආ පුද්ලයෙකු කටුනායක බණ්ඩාරනායක ජාත්‍යන්තර ගුවන් තොටුපලේදී රේගුව විසින් අත්අඩංගුවට ගෙන ඇති බව සදහන්ය.
හොංකොං සිට පැමිණි ශ්‍රී ලන්කන් ගුවන් සමාගමට අයත් ගුවන් යානයකින් මෙරටට පැමිණි එම පුද්ගලයා ග්‍රෑම් 618ක් බර එම ලෝහය පතුරු සහ කැබැලි ලෙස සකස් කර තම ගමන් මල්ලේ රෙදි තුළ සඟවාගෙන පැමිණ ඇති බව වාර්තා වෙයි.
එහි වටිනාකම රුපියල් ලක්ෂ 20කට අධික බවත් මෙම ලෝහය රත්‍රං වලට සමාන ලෝහයක් බවත් ගුවන් තොටුපල රේගුව සදහන් කරයි.