බත් , ආප්ප,තේ,මිල ඉහලට.
ගෑස් මිල හා පොල් මිල ඉහළයාම හේතුවෙන් ආපන ශාලා නිෂ්පාදනයන්ගේ මිල ගණන්ද ඉහළ දැමීමට සිදුවන බව සමස්ථ ලංකා ආපන ශාලා හිමියන්ගේ සංගමය පවසයි. ඒ අනුව බත් පැකට්ටුවක් රුපියල් 130ක්, ආප්පයක් රුපියල් 15ක්, ප්ලේන්ටියක් රුපියල් 20ක්, හා කිරි තේ එකක් රුපියල් 40 දක්වා ඉහළ යනු ඇත.
එමෙන්ම රටේ අත්‍යවශ්‍ය භාණ්ඩ මිල සීඝ‍්‍රයෙන් වැඩි වීම නිසා සමස්ත ආපනශාලා පද්ධතියම විශාල අර්බුධයකට පත්ව ඇති බව එම සංගමය පෙන්වා දෙයි. රජයෙන් ආපන ශාලාවලටත් පාලන මිලක් නියම කර වැඩි වන අඩුවන භාණ්ඩ මිලත් සමඟ ආහාර පාන සඳහා මිල අඩු වැඩි කිරීම් සඳහා මිල සූත්‍රයක් ලබා දෙන්නේ නම් ඔවුන් සිය කැමැත්ත ඒ සඳහා ප්‍රකාශ කරයි.
සිය පාරිභෝගකයින්ට ප‍්‍රමිතියෙන් යුතු ආහාරවේලක් සාධාරණ මිලකට ලබා දීම ආපන ශාලා හිමියන්ගේ අරමුණ වන අතර එම අරමුණ සාක්ෂාත් කර ගැනීම දුෂ්කර වී ඇත්තේ වෙළඳපොල තුළ අත්‍යවශ්‍ය භාණ්ඩමිල ඉහළයාම පමණක් නිසා නොව අත්‍යවශ්‍ය සේවාවන්ගේ මිල ගණන් ද ඉහළයාම හේතු කොට ගෙන බව එම සංගමය සඳහන් කරයි.