උසස් පෙළ විභාගයට ආරක්ෂිත වැටක්.
මෙවර උසස් පෙළ විභාගයේ වංචා අවම කිරීමේ අරමුණින් විභාග දෙපාර්තමේන්තුව විශේෂ විධිවිධාන කිහිපයක් ක්‍රියාත්මක කිරීමට අවධානය යොමුකර තිබෙනවා.
ඊට හේතු වී ඇත්තේ විද්‍යුත් උපකරණ හරහා මෙන්ම ස්මාට් වර්ගයේ ඔරලෝසු භාවිතා කරමින් සිදුකරන වංචා බව විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා පැවසුවා.
එසේම විභාග අක්‍රමිකතා සිදුකළහොත් අදාළ අපේක්ෂකයන්ට වසර 05 කට සියලූ විභාගවලට පෙනී සිටීම අත්හිටුවීමට පියවර ගන්නා බව ද ඔහු සඳහන් කළා.
අගෝස්තු 2 වනදා ආරම්භවන උසස් පෙළ විභාගය මධ්‍යස්ථාන 2204 ක දී පැවැත්වෙනවා.
ඊට පාසල් අයදුම්කරුවන් දෙලක්ෂ 40991 ක් සහ පෞද්ගලික අයදුම්කරුවන් 74614 ක් පෙනී සිටිමට නියමිතයි.