ආණ්ඩුක්‍රම ව්‍යවස්ථා වාර්ථාව- පාර්ලිමේන්තු තෙදින විවාදයෙන් පසු මහජන මතය විමසීමට.
ආණ්ඩුක්‍රම ව්‍යවස්ථා මෙහෙයුම් කමිටු වාර්තාවට අදාළව පැවැත්වෙන පාර්ලිමේන්තු තෙදින විවාදයෙන් පසු ඒ සම්බන්ධයෙන් ජනතාවගේ මතය විමසීම ආරම්භ කරන බව අමාත්‍ය කිරිඇල්ල කියා සිටියි.
අග්‍රාමාත්‍ය රනිල් වික්‍රමසිංහ ගේ උපදෙස් මත මහ නාහිමිවරුන්, කාදිනල්තුමා ප්‍රමුඛ ක‍තෝලික සභාව , අන්‍යාගමික පූජකප්‍රසාදීන්, දේශපාලන පක්ෂ නායකයන්, සිවිල් සංවිධාන, වෘත්තිය සමිති හා මහජන අදහස් විමසීමට නියමිතය. මෙම 30, 31 සහ නොවැම්බර් 1 දා ආණ්ඩුක්‍රම ව්‍යවස්ථා මෙහෙයුම් කමිටු වාර්තාව පිළිබඳ විවාදය පැවැත්වේ.
මෙහෙයුම් කමිටු අතුරු වාර්තාව ආණ්ඩු ක්‍රම ව්‍යවස්ථා මණ්ඩලය වෙත ඉදිරිපත් කරනු ලැබුවේ ඒ යටතේ පත් කළ කමිටුවක වාර්තාව සම්ප්‍රදායකව පළමුව ව්‍යවස්ථා මණ්ඩලයට ඉදිරිපත් කළ යුතු නිසා යැයිද ඉන් පසු මෙහෙයුම් කමිටු වාර්තාව ගැන මහානායක හිමිපාණන් වහන්සේලාගේ සිට රටේ සාමාන්‍ය පුරවැසියා දක්වා සැමගේ අදහස් ගැනීමට පියවර ගන්නා බවද අමාත්‍ය කිරිඇල්ල වැඩි දුරටත් කියා සිටියි.