මන්ත්‍රී වඩිවේල් සුරේෂ් මහමගට- එජාපයෙන් ප්‍රවර්ධන වැඩසටහනක්
පාද යාත්‍රාවට එරෙහිව ලක්ෂ 15කට අධික වතු කම්කරු ජනතාව සමග පාරට බැසීමට තමන් සුදානම් බව බදුල්ල දිස්ත්‍රික් පාර්ලිමේන්තු මන්ත්‍රී වඩිවේල් සුරේෂ් මහතා පවසනවා.
ඔහු ප්‍රකාශ කලේ පාද යාත්‍රාව මගින් ජාතිවාදය පැතිරවීමට සුදානම් වුවහොත් තම ජනතාව ඊට එරෙහිව නැගී සිටීමට සුදානම් බවයි .
ඒ සදහා මුස්ලිම් ජනතාවගේ සහායද එක්කර ගන්නා බව මන්ත්‍රීවරයා කියසිටියා.
මේ අතර පද යාත්‍රාවට සමගාමීව එජාපයෙන් හෙට (28 )දින ප්‍රවර්ධන වැඩසටහනක් ආරම්භ කරන බව විශ්වවිද්‍යාල අධ්‍යාපන සහ මහාමාර්ග අමාත්‍ය ලක්ෂ්මන් කිරිඇල්ල මහතා පවසනවා.
එය ඒකාබද්ධ විපක්ෂයේ පාද යාත්‍රාවට සමගාමීව එක්සත් ජාතික පක්ෂයද හෙට ( 28)වැනිදා මහනුවරදී සිදුකරන බවද අමාත්‍යවරයා සදහන් කළා.
මහනුවරදී ප්‍රවෘත්ති සාකච්ඡාවක් කැඳවමින් අමාත්‍යවරයා මේ බව පැවසුවා.