අද මැදියම් රැයේ සිට තහනම්.
අද මධ්‍යම රාත්‍රී 12 සිට උසස් පෙළ විභාගය අවසන් වනතුරු ඊට අදාළ උපකාරක පන්ති, දේශන, සම්මන්ත්‍රණ සහ වැඩමුළු පැවැත්වීම තහනම් බව විභාග දෙපාර්තමේන්තුව පවසනවා.
අගොස්තු 27 වනදා දක්වා බලපැවැත්වෙන පරිදි එම තහනම පනවා ඇති බව විභාග දෙපාර්තමේන්තුව සදහන් කළා.
එම දෙපාර්තමේන්තුව විසින් නිකුත් කළ නිවේදනයක දැක්වෙන්නේ
අනුමාන ප්‍රශ්න පත්‍ර බෙදා හැරීම, මෙන්ම එවැනි කටයුතුවලට අදාළ පෝස්ටර්, අත්පත්‍රිකා, විද්‍යුත් හෝ මුද්‍රිත මාධ්‍ය මගින් ප්‍රසිද්ධ කිරීම ද තහනම් වන බවයි .
මෙම නියෝග කඩකරන අයෙකු වේ නම් ඒ පිළිබදව පොලිස් හදිසි ඇමතුම් අංශය, අංකය වන 119 හෝ විභාග දෙපාර්තමේන්තුවේ ක්ෂණික ඇමතුම් අංකය වන 19 11 යන අංක වලට ද පැමිණිලි කල හැකි බව විභාග කොමසාරිස් ජනරාල් ඩබ්ලිව්.එම්.එන්.ජේ පුෂ්පකුමාර සදහන් කළා.