මහ බැංකුවේ බැදුම්කර වංචාව සම්බන්ධයෙන් පත්කරන ලද ජනාධිපති කොමිසමේ වාර්තාවේ ඇති නිර්දේශයන්ට අනුව චෝදනා එල්ල වන පුද්ගලයන්ට එරෙහිව අධිකරණය හමුවේ නඩු පැවරෙනු ඇති බව සන්ධාන මහ ලේකම් ඇමති මහින්ද අමරවීර පවසයි.
බැදුම්කර වංචාවේ චෝදනා එල්ල වූවන් සම්බ්ධයෙන් ගත යුතු නීතිමය පියවරයන් ගැන වාර්තාවෙන් නිර්දේශ කර ඇති බවත් ඒ අනුව ජනාධිපතිවරයාද කටයුතු කරනු ඇතයි තමන් විශ්වාස කරන බව ඇමති අමරවීර වැඩිදුරටත් සදහන් කරයි.
මේ අතර බැදුම්කර කොමිසමේ ඉදිරි නීතිමය කටයුතු ගැන සාකච්චා පැවැත්වීම සදහා ජනාධිපතිවරයා විසින් නීතිපතිවරයා හෙට දිනයේ කැදවා ඇති බවද සදහන් වේ.