අපිට විපක්ෂ නායකකම ඕන-මහින්ද ඉල්ලයි.
“අපි විපක්ෂ නායකකම ඉල්ලන බවත්, අගමැතිවරයා එම පුද්ගලයාම බවට පත් වේවි යැයි සිතන බවත්, හිටපු ජනපති මහින්ද රාජපක්ෂ කියා සිටී. හිටපු ජනාධිපතිවරයා මෙම අදහස් පළකර සිටියේ, පාර්ලිමේන්තු සැසිවාරයට සහභාගී වීමට පැමිණි අවස්ථාවේ මාධ්‍ය අමතමිනි.
එහිදේ වැඩිදුරටත් අදහස් දැක්වූ හිටපු ජනාධිපතිවරයා,
“අපි විපක්ෂ නායකකම ඉල්ලනවා. අගමැතිවරයා එම පුද්ගලයාම බවට පත් වේවි මම හිතන්නේ. ඒක එක්සත් ජාතික පක්ෂයයි සිරිසේන ජනාධිපතිතුමයි අතර තියෙන ගනුදෙනුවක්නේ. අපි එයාලට කිව්වේ ශ්‍රී ලංකා නිදහස් පක්ෂයේ මන්ත්‍රීවරයෙක් එනවා නම් අපි අපේ සහයෝගය එළියේ ඉදලා දෙනවා කියලා. අපි එක්සත් ජාතික පක්ෂයේ මන්ත්‍රීවරයෙකුට ඒක දෙන්නේ නැහැ. ඒ අනුව අපි විපක්ෂයේ ඉන්නවා. විපක්ෂය වශයෙන් අපි බලාපොරොත්තු වෙනවා නියම සුදුසු ස්ථානය අපිට දෙයි කියලා. ආණ්ඩු තියෙනවා, නැති වෙනවා. අපි කිව්වනේ. හැබැයි තව වෙසක් පෝය දෙකයි. නීතිපති උපදෙස් ඕනෙද? ජනධිපති විධායක විත්තිය අමතක කරන්න එපා.” යැයි පැවසීය.