ශ්රී ලංකා පොදුජන පෙරමුණට බලය හිමි වූ පළාත් පාලන ආයතන 152ක සභාපතිවරු සහ මන්ත්රීවරු අද (20) හිටපු ජනාධිපති මහින්ද රාජපක්ෂ ඉදිරියේ සිය ධූරවල දිවුරුම් දීමට නියමිත බව සඳහන් වේ. ශ්රී ලංකා පොදුජන පෙරමුණේ ආරංචි මාර්ග සඳහන් කර ඇත්තේ, මෙම දිවුරුම් දීමේ උත්සවය නාරාහේන්පිට අභයාරාමයේදී පැවැත්වෙනු ඇති බවයි.
නව දේශපාලන සන්ධානයක් ලෙසින් ඉකුත් පෙබරවාරි මස 10 වැනිදා පැවති පළාත් පාලන මැතිවරණයට ඉදිරිපත් වූ ශ්රී ලංකා පොදුජන පෙරමුණ පළාත් පාලන ආයතන 232 ක් ජයග්රහණය කළ අතර ඉන් පළාත් පාලන ආයතන 152 ක තනිව බලය පිහිටුවිය හැකි අන්දමට එම පක්ෂය ජයග්රහණය කළේය.