විශ්වවිද්යාල ආචාර්යවරුන්ගේ ගැටලු සම්බන්ධයෙන් අගමැති රනිල් වික්රමසිංහ සහ විශ්වවිද්යාල ආචාර්යවරුන්ගේ සමිති සම්මේලනය අතර පැවැති සාකච්ඡා අති සාර්ථක වූ බව එම සම්මේලනයේ සභාපති ආචාර්ය රංගික හල්වතුර පවසයි . ඉල්ලීම් අටක් මුල් කරගෙන මේ සාකච්ඡාව පැවැති බවත් එම ඉල්ලීම් අටටම අගමැතිවරයා සාර්ථක හා පැහැදිලි විසඳුම් ලබා දුන් බවත් ඒ අනුව ඉදිරියේදී තම ඉල්ලීම් ක්රම ක්රමයෙන් කඩිනමින් විසඳෙනු ඇතැයි බලාපොරොත්තු වන බවත් හල්වතුර ප්රකාශ කළේය.
තම සම්මේලනයේ ඉල්ලීම් අතර වැටුප් සම්බන්ධ ඉල්ලීම් තුනක් තිබූ බවත් ඉන් ප්රධාන ඉල්ලීම වූයේ රාජ්ය සේවයේ වැටුප් සකස් කිරීමේ චක්රලේඛය විශ්වවිද්යාල පද්ධතිය තුළ ක්රියාත්මක කිරීම බවත් පැවසු හල්වතුර මෙය විශ්වවිද්යාලයේ අධ්යයන අනධ්යයන සියලු සේවකයින්ට බලපානු ලබන ගැටලුවක් බවත් කීවේය.