රට යන්න අවසරය ඕනෑමයි .

ආණ්ඩු පක්ෂයේ සියලුම මැති ඇමතිවරුන් විදේශ සංචාර සඳහා රටින් බැහැර වන්නේ නම් තමාගෙන් පෞද්ගලිකවම පූර්ණ අනුමැතිය ලබාගත යුතු බව ජනාධිපති මෛත්‍රීපාල සිරිසේන ආණ්ඩු පක්ෂයේ සියලුම මැති ඇමතිවරුන්ට ලිපියක් මගින් දැනුම් දී තිබේ.

රජයේ අරමුදල් වැය කිරීමේදී අරපරිස්සමින් හා වගකීමෙන් යුතුව කටයුතු කිරීම සියලුම මහජන නියෝජිතයන්ගේ හා රාජ්‍ය නිලධාරීන්ගේ වගකීම වන බැවින් ඒ සඳහා වන චක්‍රලේඛ උපදෙස් සියලුම රාජ්‍ය ආයතන වෙත නිකුත් කර තිබුණද එම උපදෙස්වලට පටහැනිව ක්‍රියාකරන අවස්ථා පිළිබඳව ජනාධිපතිවරයාගේ අවධානය යොමුව ඇත.

විදේශ සංචාර සඳහා රටින් බැහැර වීමට සති දෙකකට පෙර මේ සම්බන්ධයෙන් ලිඛිතව ජනාධිපතිවරයාට දැනුම්දිය යුතු අතර ලිඛිතවම අනුමැතිය ලබාගත යුතු බවට ජනාධිපතිවරයා නියෝග කර තිබේ.