අයහපත් කාලගුණය හමුවේ සිදුවූ අනතුරු වලින් මරණයට පත් සංඛ්යාව 23 දක්වා ඉහළ ගොස් ඇති බව වාර්තා වේ. ආපදා කළමනාකරණ මධ්යස්ථානය සදහන් කර සිටින්නේ අකුණු ගැසීම්, ගස් කඩා වැටීමෙන් වැනි අනතුරු හේතුවෙන් මෙම මරණ සංඛ්යාව සිදුව ඇති බවයි. ගංවතුර නැරඹීමට යාම සහ පිහිනීමට යාමෙන් වැළකී සිටන ලෙසද , තවදුරටත් අකුණු ගැසිමෙන් සිදුවන අනතුරු අවම කරගැනීමට ගත යුතු ක්රියාමාර්ග අනුගමනය කරන ලෙසත් ආපදා කළමනාකරණ මධ්යස්ථානය ජනතාවගෙන් ඉල්ලා සිටී. සංඛ්යාලේඛනවලට අනුව තවමත් 50,000 කට අධික පිරිසක් තාවකාලිකව කඳවුරුවල රඳවා තබා ඇත. ස්ථාන කිහිපයක තවමත් ගංවතුර මට්ටම පවතින බවත් කැළණි,ගිං යන ගංගාවන් සාමාන්ය අතට හැරෙමින් පවතී. තවදුරටත් වැසි ඇද වැටීමට ඉඩ ඇති බැවින් අවතැන්වූ ජනතාවට කදවුරු තුළම රැඳී සිටින ලෙස උපදෙස් ලබා දුන් බව වාර්තා වේ. මේ අතර නාය යාම සම්බන්ධයෙන් ජාතික ගොඩ ගොඩනැගිලි පර්යේෂණ මධ්යස්ථානය නිකුත්කළ රතු නිවේදන තවදුරටත් වලංගුව පවතී.