කළුපටි බඳී පාර්ලිමේන්තුව හදිසියේ අත්හිටුවයි
පෙරවරුවේ ආරම්භ වූ පාර්ලිමේන්තු කටයුතු හදිසියේ ඇති වූ තත්ත්වයක් හේතුවෙන් අත්හිටුවීමට සිදුවිය.
ඒකාබද්ධ විපක්ෂයේ මන්ත්‍රීවරු පිරිසක් සභාව මැදට පැමිණ විරෝධය දැක්වීම ඊට හේතුවයි.
මේ අතර මන්ත්‍රීවරු පිරිසක් කලු පටි පැළඳ අද (11) පාර්ලිමේන්තු සභාවට පැමිණි බව LNC වාර්තාකරු පැවසුවා.
ඒකාබද්ධ විපක්ෂය නියෝජනය කරන මන්ත්‍රීවරු පිරිසක් මෙලෙස කලු පටි පැළඳ සිටින බවයි වැඩි දුරටත් වාර්තා වෙන්නේ.
දිනේෂ් ගුණවර්ධන, පවිත්‍රා වන්නිආරච්චි, ජයන්ත සමරවීර යන පාර්ලිමේන්තු මන්ත්‍රීවරු ඇතුලු පිරිසක් ඒ අතර වේ.
කෙසේවෙතත් මෙලෙස කලු පටි පැළඳ සීටීමට හේතුවක් මේ වන තෙක් අනාරණය වී නැහැ.
මේ අතර අතුරුදන් වූ තැනැත්තන් පිළිබඳ වූ කාර්යාලය පිහිටුවීමට අදාළ පනත් කෙටුම්පත පාර්ලිමේන්තුවට ඉදිරිපත් කිරීමටද නියමිතයි.