ඡන්ද ආකෘති පත්‍ර බාරදීමට නොහැකි වු අයට තවත් අවස්ථාවක්.
2016 වසර සඳහා ඡන්ද හිමි නාමලේඛන ආකෘති පත්‍ර සම්පූර්ණ කිරීමට නොහැකි වූ පුද්ගලයින් සඳහා අගෝස්තු මස 26 වන දින තෙක් කාලය ලබාදීමට මැතිවරණ කොමිසම තීරණය කර තිබේ.
මේ වසරේ ඡන්ද හිමි නාමලේඛනය සඳහා ගෙයින් ගෙට ගොස් සිදුකළ සංගණන කටයුතු මේ වන විට අවසන් කර ඇති බව මැතිවරණ කොමිසම පවසයි.
එහෙත් මෙතෙක් ඡන්ද හිමි නාමලේඛන ආකෘති පත්‍ර රැසක් බාරදීමට නොහැකි වූ පුද්ගලයින් සඳහා තවදුරටත් අවස්ථාව ලබාදීමට මැතිවරණ කොමිසම තීරණය කර තිබේ.
ඊට අදාළ ආකෘති පත්‍රය මැතිවරණ කොමිසමේ වෙබ් අඩවියට පිවිසීමෙන් බාගත කරගැනීමට හැකියාව පවතින බව මැතිවරණ කොමිසම සඳහන් කරයි.
එය සම්පූර්ණ කොට ග්‍රාම නිළධාරීවරයාගේ නිර්දේශයද සහිතව දිස්ත්‍රීක් ලේකම් කාර්යාලයට හෝ මැතිවරණ කොමිසමේ මහලේකම් කාර්යාලයට බාරදීය යුතුය.
අගෝස්තු මස 26 වන දින දක්වා ඒ සඳහා කල් ලබාදෙන අතර ඉන් අනතුරුව 2016 වසර සඳහා ඡන්ද හිමි නාමලේඛනයට අදාළ ආකෘති පත්‍ර බාරගැනීමක් සිදු නොකරන බව මැතිවරණ කොමිසම කියා සිටියි.