මිහිතලයේ වේගවත්ම ධාවකයා ලෙස සම්මාන ලබන ජැමෙයිකානු ධාවන සූර උසේන් බෝල්ට් ඔලිම්පික් ඉතිහාසයේ අපරාජිත වාර්තාවක් තැබීමෙන් ඉතිහාසයට එක් විය.
ඒ රියෝ ඔලිම්පික් තරඟාවලියේ මීටර 400 සහාය දිවීමේ තරඟයෙන් රන් පදක්කමක් හිමි කර ගනිමින් ඔලිම්පික් ඉතිහාසයේ ත්රිත්ව ත්රිත්වයක් දිනා ගැනීමත් සමගයි.
මීට පෙර රියෝහි පැවති මීටර 100 සහ මීටර 200 කේවල ඉසව්වලින් රන් පදක්කම් දිනා ගැනීමට උසේන් බෝල්ට් සමත් විය.
2008 වසරේ බීජිං ඔලිම්පික් උළෙලේ සහ 2012 වසරේ ලන්ඩන් ඔලිම්පික් උළෙලේදී මීටර 100, මීටර 200 සහ මීටර 100 සහාය දිවීම යන ඉසව්වලින් රන් පදක්කම් ත්රිත්වය බැගින් දිනා ගැනීමට බෝල්ට් සමත් විය.
ඒ අනුව මේ දක්වා බෝල්ට් විසින් දිනා ගනු ලැබූ මුළු ඔලිම්පික් රන් පදක්කම් සංඛ්යාව නවයකි.
‘මම තමයි ශ්රේෂ්ඨතමයා’ තරඟයෙන් පසු ඔහු පැවසීය.
රියෝ ඔලිම්පික් උළෙල තමා සහභාගී වන අවසන් ඔලිම්පික් උළෙල වනු ඇති බවත් විසි නව හැවිරිදි උසේන් බෝල්ට් කියා සිටියේ ය.