වැඩිම දායකත්වය බස්නාහිර පළාතෙන්.
මෙරට දල ජාතික නිෂ්පාදිතයට තවදුරටත් වැඩිම දායකත්වයක් සපයන්නේ බස්නාහිර පළාතෙන් බව ජන හා සංඛ්‍යා ලේඛන දෙපාර්තමේන්තුව සඳහන් කර ඇත.
2016 – 2017 වර්ෂවලට අදාලව ඉදිරිපත් කර ඇති සංඛ්‍යා ලේඛනවලට අනුව බස්නාහිර පළාත දල ජාතික නිෂ්පාදිතයට පිළිවෙලින් සියයට 37.2ක් සහ සියයට 37.8ක් වශයෙන් දායකත්වය සපයා ඇති බව සඳහන් වේ.
එමෙන්ම 2017 වසරේදී මධ්‍යම පළාත සියයට 10.7ක් ද වයඹ පළාත සියයට 10.6ක් ද වශයෙන් දායක වී ඇති බව ජන හා සංඛ්‍යා ලේඛන දෙපාර්තමේන්තුව පවසා තිබේ. මෙරට දල ජාතික නිෂ්පාදිතයට අඩුම දායකත්වයක් සපයන්නේ නැගෙනහිර, උතුරුමැද සහ උතුරු පළාත් වලින් බවත් වැඩිදුරටත් සඳහන් වේ.