හෙද වර්ජනයක් අතරතුර වෛද්යවරයා නියම කළ ඖෂධ ලබාදීමට හෙදියන් නොමැති වීමෙන් නිසි පරිදි ප්රතිකාර නොලැබ තම බිරිඳ මියගියේ යැයි කාන්තාවකගේ මරණ පරික්ෂණයේ දී සැමියා සාක්ෂි දීමෙන් පසු කොළඹ නාගරික හදිසි මරණ පරික්ෂක මොහමඩ් අෂ්රොෆ් රූමි එකී කාන්තාවගේ මරණය පිළිබඳව විවෘත තීන්දුවක් දෙමින් අදාල වාට්ටුව භාර හෙද නිලධාරිනිය පරික්ෂණය සඳහා කැඳවන ලෙස පොලිසියට නියෝග කර ඇති බව වාර්තා වේ.
ගම්පහ අකරවිට ජාඇල පාරේ කුණමා හැන්නැදිගේ ඉරෝෂා දිල්රුක්ෂි නමැති 45 හැවිරිදි පෙර පාසල් ගුරුවරියගේ මරණය පිලිබඳ පරික්ෂණයේ දී මෙසේ විවෘත තීන්දුවක් දෙනු ලැබීය.
ඇය රෝහල් ගතකර සිටිය දී හෙද වර්ජනයක් ආරම්භ වූ බවත් 26 වැනිදා සවස හෙද වර්ජනය අවසන් බව නිවේදනය වුවත් හෙද හෙදියන් වැඩ ආරම්භ කරනු ලැබුයේ පසුදින උදෑසන බවත් ඇගේ මරණය පිළිබඳව කොළඹ නාගරික හදිසි මරණ පරික්ෂන උසාවියේ පැවැති පරික්ෂණයේ දී මියගිය අයගේ සැමියා වන යාපා අප්පුහාමිලාගේ දොන් සුමිත් ප්රියන්ත තුෂාර යාපා (49) කියා සිටියේය.