කටුනායක ගුවන් තොටුපල අඩුපාඩුවලින් පිරේ.
කටුනායක බණ්ඩාරනායක අන්තර් ජාතික ගුවන් තොටුපොළෙහි පවතින අඩුපාඩු කඩිනමින් නිවැරදි නොකළහොත් සංචාරක ව්‍යාපාරයට ද නරක බලපෑමක් ඇති විය හැකි බව සංචාරක සංවර්ධන අමාත්‍ය ජෝන් අමරතුංග ප්‍රකාශ කළේය.
ඔහු ඒ බව පැවසුවේ විදෙස් වෙබ් අඩවියක් විසින් ඉකුත් දා පළ කර තිබූ වාර්තාවක් සම්බන්ධයෙන් LNC කළ විමසීමකදීය.
ආසියානු රටවල ඉතාම දුර්වල ගුවන් තොටුපොළ අතරින් කටුනායක බණ්ඩාරනායක අන්තර් ජාතික ගුවන් තොටුපොළ 10වන ස්ථානයේ තිබෙන බව එම වාර්තාවෙන් පෙන්වා දී තිබේ.
මීට හේතු වී ඇත්තේ වැඩිවන මගීන්ට ගැලපෙන පරිදි ගුවන් තොටුපොළ පහසුකම් සංවර්ධනය වී නොතිබීම බව අමාත්‍ය ජෝන් අමරතුංග වැඩිදුරටත් ප්‍රකාශ කළේය.
කටුනායක බණ්ඩාරනායක අන්තර් ජාතික ගුවන් තොටුපොළේ පවතින අඩුපාඩු මේ වන විට හඳුනාගෙන ඇතැයි ප‍්‍රවාහන හා ගුවන් සේවා අමාත්‍ය නිමල් සිරිපාල ද සිල්වා මීට පෙර කියා සිසිටියේය.