හොරෙන් වැලි ඇද්ද 5ක් අහුවෙයි
බලපත්‍ර කොන්දෙසි උල්ලංඝනය කරමින් වැලි ප්‍රවාහනය කළ ට්‍රැක්ටර් රථ 5ක් සමඟ සැකකරුවන් පස් දෙනෙකු වැල්ලවාය ඌව කුඩාඔය පොලීසිය විසින් කුඩාඔය 20 යාය ප්‍රදේශයේ සිදු කළ වැටලීමකදී අත්අඩංගුවට ගෙන ඇත.
සැකකරුවන් එම ප්‍රදේශයේම පදිංචිකරුවන් වන අතර සැකකරුවන් දීර්ඝ කාලයක සිට මෙම ජාවාරමේ නිරත වී ඇති බව පොලීසිය පවසයි.
වැල්ලවාය මහේස්ත්‍රාත් අධිකරණයට සැකකරුවන් ඉදිරිපත් කිරීමට නියමිත අතර කුඩාඔය පොලීසිය ඉදිරි විමර්ශන සිදු කරයි.