ශ්‍රීලනිප සාමාජිකයෙකු පොහොට්ටුවේ නායකත්වයට.
විපක්ෂනායක මහින්ද රාජපක්ෂ ශ්‍රී ලංකා නිදහස් පක්ෂ සාමාජිකයෙකුව සිටියදීම මේ මස 11 වැනිදා නිල වශයෙන් ශ්‍රී ලංකා පොදුජන පෙරමුණේ නායකත්වයට පත්වීම සිදුවේ .
මහින්ද රාජපක්ෂ එලෙස ශ්‍රී ලංකා නිදහස් පක්ෂයේ සාමාජිකයෙකුව සිටියදී වෙනත් පක්ෂයක නායකත්වය ගැනීමෙහි කිසිදු වරදක් නැතැයි පොහොට්ටුව පාර්ශවයෙන් කියා සිටියි. එහෙත් එවැනි නෛතික ගැටලුවක් උද්ගත වුවහොත් ඊට මුහුණදීමට අවශ්‍ය පසුබිම සකස් කර ඇති බව එම පාර්ශවය වැඩිදුරටත් කියා සිටියි. මේ මේ පිළිබඳව දේශපාලන විශ්ලේෂකයින් සඳහන් කර සිටියේ. සාමාන්‍යයෙන් පක්ෂ සාමාජිකයෙකුට වෙනත් පක්ෂයක සාමාජිකත්වය ලබාගැනීම මුල් පක්ෂයේ සාමාජිකත්වය අහෝසිවන බවත්ඒ අනුව මහින්ද රාජපක්ෂගේ මන්ත්‍රී ධුරය පවා අහිමි කිරීමේ හැකියාව පවතින බවත්ය. නමුත් දැන් මෙය සිරිසේන සහ මහින්ද රාජපක්ෂ නටන නාඩගමක් බවට පත් ඇති බවත්. මේ දෙදෙනාම පක්ෂ ව්‍යවස්ථාව උල්ලංඝණය කරමින් මූලික දේශපාලන සිද්ධාන්තයන් පවා නැතිකර ගත් අය බවය.