මහින්දගෙන් නව හෙළිදරව්වක්.
ව්‍යවස්ථා සංශෝධනයක් හරහා උතුරු සහ නැගෙනහිර යළි එ්කාබද්ධ කිරීමට ආණ්ඩුව උත්සහ දරමින් සිටින බව මහින්ද රාජපක්ෂ පවසයි.
ඔහු පෙන්වා දෙන්නේ ගිලිහී යමින් පවතින බලය රැක ගැනීම සඳහා වත්මන් ආණ්ඩුව මෙම පියවර අනුගමනය කරමින් සිටින බවය.
ව්‍යවස්ථාව මුවාවෙන් රට දෙකඩ කිරීමට උත්සහ කරන්නේ නම් ඊට එරෙහිව ගත හැකි සෑම පියවරක්ම ගන්නා බව ඔහු එහිදී අවධාරණය කළේය.
මහින්ද රාජපක්ෂ මෙම අදහස් පළ කළේ අම්පාර ප‍්‍රදේශයේ පැවති ජන හමුවකදීයි.
“උතුරයි නැගෙනහිරයි කියන පළාත් සභා දෙක එක්කහුකිරීමේ වැඩපිළිවෙලක් අද මේ ආණ්ඩුව කටයුකු කරන්න හදනවා.
ව්‍යවස්ථාව වෙනස් කරලා.
විධායක ජනාධිපති ක්‍රමය අහෝසි කරන්නැයි කියලා සීනී ටික තවරලා අපිට වහ කුප්පියත් දෙනවා වස ගුලියක්.
අපිට දැන් පරිස්සම් වෙන්න වෙලා තියෙනවා.
මේ නැගෙනහිර උතුරට එක්කහුවුනොත් මොකද වෙන්නේ.
පළාත් සභාව පාලනය කරන්නේ කිළිනොච්චියෙන්.
අද මේ පළාත් සභා මන්ත්‍රීවරු ඉන්නවා. එයාලට පළාත් සභාවට යන්න වෙන්නේ. කිළිනොච්චියට හරි යාපනයට හරි.
උතුර නැගෙනහිර එක්කහු කරන්න වෙන් වෙලා තිබෙන පළාත් සභා දෙක මෙයාලට ඕන වෙලා තිබෙනවා.
ඇයි මේ නැතිවී යන ආධිපත්‍ය නැවත ලබාගන්න. ඔතනින් නැවතෙන්නේ නැහැ යනුවෙනි.