ශාන්ත ජෝශප් බාලිකා විද්‍යාලයීය ගුරු අභිනන්දනීය වන්දනා උපහාර උළෙල
කොළඹ 14, ශාන්ත ජෝශප් බාලිකා විද්‍යාලයීය, 1999 – 2002 ආදි ශිෂ්‍යාවන් විසින් සංවිධානය කරනු ලැබූ, ගුරු අභිනන්දනීය වන්දනා උපහාර උළෙල ජනවාරි මස 25 වන දින කෝට්ටේ සෝලීස් හෝටලයේ ප්‍රින්සස් ශාලාවේදී අභිමානවත් හා අති උත්කර්ෂවත් අන්දමින් පවත්වන ලදි.
විද්‍යාලයේ හිටපු විදුහල්පති වන මේරි අයිරාංගනී කන්‍යා සොහොයුරිය ඇතුළු ගුරු භවතුන් 40කට අධික පිරිසක් සහභාගි කර ගනිමින් පවත්වනු ලැබූ මෙම උපහාර උළෙල ගුරු දෙමාපියන්ගේ නෙතට සතුටු කඳුලක් එක්කළ සංවේදී අවස්ථාවක් විය. මෙය සංවිධානය කළ විද්‍යාලීය 1999-2002 කණ්ඩායමේ ආදිශිෂ්‍යාවන් එය තම ජීවිතයේ ලද අමරණීය වූ අත්දැකීමක් බව ප්‍රකාශ කරන ලදි. 
