IOC පෙට්‍රල් මිල ඉහල දමයි
ඔක්ටේන් 92 වර්ගයේ පෙට්‍රල් මිල ඉහළ දැමීමට ලංකා ඉන්දියන් ඔයිල් සමාගම (IOC) තීරණය කර තිබේ.
එම තීරණයට අනුව අද(17) මධ්‍යම රාත්‍රියේ සිට ක්‍රියාත්මක වන පරිදි පෙට්‍රල් ඔක්ටේන් 92 වර්ගය රුපියල් 5කින් ඉහළ යයි.
ඒ අනුව ඔක්ටේන් 92 වර්ගයේ පෙට්‍රල් ලීටරයක් අද මධ්‍යම රාත්‍රියේ සිට IOC ඉන්දන අලෙවිහල් තුළ අලෙවි කරන්නේ රුපියල් 142 ක ට ය.
ලූකා වෙළඳ පලෙහි බොරතෙල් මිල ශීඝ්‍රයෙන් පහල ගොස් ඇතත් මෙරට ඉන්ධන මිල පහල නොදැමීම පිළිබඳව පසුගිය කාලය පුරාම ආණ්ඩුවට චෝදනා එල්ල විය. විශේෂයෙන් මෙම ලාභය IOC ආයතනය විසින් රටින් පිටට ගෙනයාම පිළිබඳවද චෝදනා එල්ල විය. එහෙත් පරිප්පු සහ ටින් කළ මාලු මිල ටික කලකට පහල දමමින් ආණ්ඩුව පැවසුවේ එලෙස මිල පහල දැමුවේ ලෝක වෙළඳ පලෙහි බොර තෙල් මිල පහල යාමේ වාසිය ඒ හරහා සාමාන්‍ය ජනතාවට ලබා දෙන බවයි.