පෙබරවාරියේ සිට මේ දක්වා වෛද්‍යවරුන්ට අතිකාල ගෙවා නෑ.
බස්නාහිර පළාත තුළ පමණක් වෛද්‍යවරුන් 3000කට පෙබරවාරි මාසයේ සිට මෙතෙක් අතිකාල දීමනා ගෙවා නැතැයි රජයේ වෛද්‍ය නිලධාරීන්ගේ සංගමය සඳහන් කරයි. මේ පිළිබඳව පසුගිය මාස හතර පුරාම බලධාරීන්ට සිහිපත් කළ ද මෙතෙක් සතුටුදායක ප්‍රතිචාරයක් ලැබී නැති බව සංගමයේ සහකාර ලේකම් වෛද්‍ය නවීන් ද සොයිසා පවසයි.
කෙසේ නමුත් බලපා ඇති කොරෝනා වසංගත තත්ත්වය හමුවේ මේ අවස්ථාවේ වෘත්තීය ක්‍රියාමාර්ග වලට එළඹීමට නොහැකි වී ඇති බවද ඔහු කියා සිටියේය.