පොහොට්ටු ශ‍්‍රීලනිපය අවුලකට මුලපුරයි.
මෙවර පාර්ලිමේන්තු මැතිවරණයේ දී ශ්‍රී ලංකා පොදුජන පෙරමුණේ ජාතික ලැයිස්තු නම් කිරීමෙන් පසු යම් ගැටලුකාරී තත්ත්වයක් මතුව ඇති බව වාර්තා වෙයි. ඊට හේතු වී ඇත්තේ ශ්‍රී ලංකා පොදුජන පෙරමුණේ ජාතික ලැයිස්තුවට නම් කර තිබූ ශ‍්‍රීලනිප හිටපු වැඩ බලන මහලේකම් රෝහණ ලක්ෂ්මන් පියදාස ඒ සඳහා නම් කර නොතිබීමයි.
ශ්‍රී ලංකා නිදහස් පක්ෂයේ ආරංචි මාර්ග කියා සිටින්නේ ජාතික ලැයිස්තුවෙන් පාර්ලිමේන්තුව සඳහා රෝහණ ලක්ෂ්මන් පියදාස නම් කිරීමට මුල සිටම එකඟතාවක සිටි බවයි. නමුත් අවසන් මොහොතේ රෝහණ ලක්ෂ්මන් පියදාස ඉවත් වීම ගැන කරුණු සොයා බැලීමටද පක්‍ෂය තීරණය කොට ඇත.