ඒ එකම පවුලේ සාමාජිකයින් සිව්දෙනෙකු හට නව කොරෝනා වෛරසය ආසාදනය වී ඇති බවට අද දිනයේදී තහවුරු වීමත් සමග දින 101 කට ආසන්න කාලයක් කිසිදු සමාජ සම්ප්රේෂණ ආසාදිතයෙකු වාර්තා නොවීම හේතුවෙන් ලෝක සෞඛ්ය සංවිධානයේ පවා පැසසුමට ලක්වූ නවසීලන්තය තුළ යළි කොරෝනා ව්යාප්තිය සම්බන්ධයෙන් බියක් ඇති වී තිබේ.
නවසීලන්තයේ ඕක්ලන්ඩ් ප්රාන්තය සඳහා අඟහරුවාදා මධ්යම රාත්රියේ සිට පැය 72ක කාලයක් ගතවන තෙක් එහි නිවැසියන්ට නිවෙස් වලින් පිටතට යාම තහනම් කිරිමට පියවර ගත් බව නවසීලන්ත අගමැතිනි ජසින්ඩා ඒඩ්රන් මාධ්ය හමුවක් පැවැත්වමින් ප්රකාශ කළේය. නවසීලන්තයේ අනෙක් ප්රාන්ත සියල්ලෙහිම සමාජ දුරස්ථභාවය ඇතුළු දෙවන අදියරේ හුදෙකලා කිරිමේ නියෝගයන්ට යටත් කිරිමට නවසීලන්ත රජය පියවර ගෙන ඇත.