නව ආණ්ඩුක්රම ව්යවස්ථාවක් කෙටුම්පත් කිරීමට දායකවීම නොරුස්සන ‘අන්තවාදී කණ්ඩායම්’ තමාට සහ තම පවුලට මරණ තර්ජන එල්ලකළබවත් , සමසමාජ පක්ෂයේ හැදී වැඩුණ තමා එමගින් නිහඬ කළ නොහැකි බව ආණ්ඩුක්රම ව්යවස්ථා මණ්ඩලයේ මෙහෙයුම් කමිටුවේ සාමාජික පාර්ලිමේන්තු මන්ත්රී ආචාර්ය ජයම්පති වික්රමරත්න පවසයි.
‘ප්රසිද්ධියේ සඳහන් කළ නොහැකි මට්ටමේ පරුෂ වචනයෙන් බැන වදිමින් මට තර්ජනය කළා.මමත් මගේ පවුලේ සාමාජිකයනුත් මරාදමන බවට. අන්තවාදී කොටස්වලින් මෙවැනි තර්ජන බලාපොරොත්තු විය යුතුයි’ බවත් එවැනි තර්ජන එල්ල වීමට හේතුව තමා ආණ්ඩුක්රම ව්යවස්ථා මණ්ඩලයේ මෙහෙයුම් කමිටුවේ ක්රියාත්මකවීම යයි අදහස් කරන බවත්, විශේෂයෙන්ම බලය බෙදා හැරීමට එරෙහි කණ්ඩායමකින් ඉහත කී තර්ජන එල්ල කෙරෙන්නට ඇතිබව අනුමාන කරනබව ආචාර්ය ජයම්පති වික්රමරත්න වැඩිදුරටත් කියා සිටියේය.