වහලට නැගි කාන්තා රැඳවියන් අතර විදෙස් කතුන් කිහිප දෙනෙකුත්.
ඇප ලබාදෙන ලෙස ඉල්ලමින් මීගමුව බන්ධනාගාරයේ වහලය මතට නැග පසුගියදා විරෝධතාවේ නිරත වූ කාන්තා රැදවියන් පිරිස අතර විදේශික කාන්තාවන් පස්දෙනකු ද සිටි බව බන්ධනාගාර ආරංචි මාර්ග පවසයි.
මෙම විදේශික කාන්තාවන් පස්දෙනා මිනුවන්ගොඩ ප්‍රදේශයේ ලැගුම්හලක සිටියදී සැකපිට අත්අඩංගුවට ගෙන රිමාන්ඩ් බාරයට පත්කර සිටි අය බව පැවසේ.
මීගමුව බන්ධනාගාරයේ කාන්තා රැඳවියන් සිවුදෙනෙක් මුලින්ම කාන්තා අංශයේ වහල මත නැග ඇප ලබාදෙන ලෙස ඉල්ලා විරෝධතාවක නිරතව සිටි බව වාර්තා වේ.
රාත්‍රී කාලය වනවිට විදේශීය කාන්තාවන් පස්දෙනා ඇතුළු තවත් කාන්තාවන් 21 දෙනකු වහලයට නැග විරෝධතාවේ නිරත වී ඇති අතර දෙසැම්බර්( 01) දින අළුයම් කාලයේදී වහලය මත නැග විරෝධතාවේ නිරතව සිටි කාන්තා රැඳවියන් සියලුදෙනා විරෝධතාව අවසන් කර වහලයෙන් බැස ගිය බව ද වාර්තා වේ.