2019 වර්ෂයේ බදවාගත් අභ්යාසලාබී උපාධිධාරීන් 14550 ක් වසරක පුහුණුව අවසන් කර ඇති බැවින් ඔවුන් සේවයේ ස්ථිර කරන ලෙස ඉල්ලා අද (15) කොළඹදී විරෝධතාවයක් සහ පාගමනක් ඒකාබද්ධ සංවර්ධන නිලධාරී මධ්යස්ථානය විසින් සංවිධානය කර තිබුණි.
පසුව කොළඹ ලිප්ටන් වටරවුමේ පැය භාගයකට ආසන්න කාලයක් විරෝධතාවයේ නිරත වූ පිරිස පසුව නැවතත් පාගමනින්ම අගමැති කාර්යාලය දෙසට ගමන් අරම්භ කළ අතර කොළඹ මහජන පුස්තකාලය පසුවනවාත් සමගම පොලිසියේ උසස් නිලධාරියෙකු පැමිණ ගැටළු සාකච්ඡා කිරීම සදහා අගමැති ලේකම්වරයෙකු සමග සාකච්ඡාවක් ලබා දෙන බවට පොරොන්දුවක් ලබාදෙනු දක්නට ලැබිණ.
කෙසේ වෙතත් විරෝධතා පාගමන නොනැවතී ඉදිරියටම ගමන්කළ අතර පසුව කොල්ලුපිටිය අගමැති කාර්යාලය අසල ලිබටි වටරවුම අසල රැස්වී ඒකාබද්ධ සංවර්ධන නිලධාරී මධ්යස්ථානයේ ධම්මික මුණසිංහ සහ 2019 රැකියාලාභී උපාධිදාරී එකමුතුවේ තැන්නේ ඤාණානන්ද හිමියන් විසින් පැමිණ සිටි පිරිස ඇමතීම සිදු විය. ඉන් අනතුරුව පැමිණ සිටි පිරිසෙන් 06 දෙනෙක් සදහා අගමැති ලේකම්වරයෙකු සමග සාකච්ඡා කිරීම සදහා අවස්තාව ලැබිණි.
සාකච්ඡාවෙන් අනතුරුව පැමිණි ධම්මික මුණසිංහ සදහන් කළේ අගමැති ලේකම්වරයෙකු සමග ගැටළු පිළිබදව සාකච්ඡාකර බවත් අභ්යාසලාභී උපාධිදාරීන්ගේ ඉල්ලීම් සියල්ල සාදාරණ බවත් එම ඉල්ලීම් අගමැති ලේකම්වරයා පිළිගත් බවත්ය. තවද මේ පිළිබදව ලබන සතියේ නැවතත් සාකච්ඡා කිරීම සදහා පැමිණෙන ලෙස දැනුම් දෙන බවටද අගමැති ලේකම්වරයා පොරොනදු වීමෙන් අනතරුව විරෝධතා කරුවන් විරෝධතාව අවසන් කිරීමට කටයුතු කරනු ලැබීය.
අගමැති ලේකම් සමග සාකච්ඡා කොට තම සගයන් පැමිණෙන තෙක් අනෙකුත් අභ්යාසලාභී උපාධිධාරීන් ලිබටි වටරවුම අසල පදිකයින් ගමන් ගන්නා තීරුවෙහි අයිනක වාඩිවී සිටින අයුරු දක්නට ලැබුණු ඡායාරූප පහතින් දක්වා ඇති අතර අභ්යාසලාභී උපාධිධාරීන් අමතා ඒකාබද්ධ සංවර්ධන නිලධාරී මධ්යස්ථානයේ ධම්මික මුණසිංහ සහ 2019 රැකියාලාභී උපාධිධාරී එකමුතුවේ තැන්නේ ඤාණානන්ද හිමියන් විසින් දැක්වූ අදහස් ඉදිරි දිනකදී වාර්තා කරන්නෙමු.
…ගමගේ…