හෝටලයක් වෙනුවෙන් වනය වනසන බවට චෝදනා ලැබු සිංහරාජ වනාන්තරයට අයත් ඉඩමේ ඔප්පුවල නිරවද්යතාවය පිළිබඳ පුර්ණ විමර්ශණයක් කිරීම කෙරෙහි අවධානය යොමු වී ඇතැයි පරිසර අමාත්ය මහින්ද අමරවීර පවසයි. මෙම අක්කර හතක ඉඩම සම්බන්ධව රජයේ වර්තමාන ස්ථාවරය වන්නේ එය කඩිනමින් සිංහරාජ වනාන්තරයට පවරා ගැනීම බව කී ඇමතිවරයා එම ඉඩමට අමතරව තවත් අක්කර 1500ක් පමණ බිම් ප්රමාණයක් පවරා ගැනීම කෙරෙහි රජයේ අවධානය යොමු වී ඇතැයි ද සඳහන් කරයි.
එම ඉඩමේ වටිනා ගස් තිබුනි නම් ඒවා කපා දැමීම සඳහා මධ්යම පරිසර අධිකාරියෙන් අවසර ගෙන නොමැති බව තහවුරු වී ඇතැයි කී ඇමතිවරයා එමෙන්ම රත්නපුර දිස්ත්රික් ලේකම් කාර්යාලය විසින් ද ඒ සඳහා අනුමැතියක් ලබා නොදුන් බව තහවුරු කර ඇතැයි සඳහන් කරයි.