හම්බන්තොට විකිණීමට එරෙහිව,ජනතාව ජ වි පෙ සමග පෙරට.
හම්බන්තොටඉඩම් විකිණීම වහා නවතනු! යනුවෙන් ජනතා විමුක්ති පෙරමුණ විසින් සංවිධානය කරනු ලැබූ පෙළපාලිය සහ විරෝධතා රැළිය සදහා අතිවිශාල ජන සහභාගීත්වයක් දක්නට ලැබුණි.
හම්බන්තොට වරාය චීනයට විකිණීමට හා හම්බන්තොට ඉඩම් අක්කර 15000ක් චීන ආයෝජකයින්ට ලබා දිම සඳහා ආණ්ඩුව ගෙන ඇති තිරණයට විරෝධය පළකරමින් අම්බලන්තොට ලැයිම හන්දියෙන් විරෝධතා පා ගමන ඇරඹූහ.
මහ සංඝරත්නය, ජනතා විමුක්ති පෙරමුණේ නායකයන්, කලාකරුවන් ඇතුළු බොහෝ පිරිසකගේ මූලිකත්වයෙන් මෙම විරෝධතාව පෙළපාලිය සහ රැලිය ආරම්භ වූ අතර ඊට හම්බන්තොට වරාය සහ ඉඩම් විකිණී‍මෙන් පීඩාවට පත්වන ජනතාව ඇතුළු බොහෝ පිරිසක් සහභාගි වී සිටියහ.
