කාඩ්බොඩ් මිනී පෙට්ටිය පිච්චුවට හිරේ දැම්මා නම් රළපනාව විනාශ කළ අයත් හිරේ දැමිය යුතුයි.
පසුගිය තුන්වනදා පැවති අධ්‍යාපනය මිලිටරිකරණයට සහ පෞද්ගලී කරණයට එරෙහිව පැවති උද්ඝෝෂණයේදී කාඩ්බෝඩ් මිනී පෙට්ටියක් මහ පාරේ පිලිස්සීම නිසා පාරට විශාල හානියක් සිදුව ඇති බවට පොලිසිය සදහන් කරමින් පොදු දේපල පනත යටතේ එම පිරිස් අත්අඩංගුවට ගෙන මේ දක්වා බන්ධනාගාර ගතකර තිබෙන පසු බිමක පෞරාණික වැදගත් කමකින් යුතු වැවක රළ පනාව විනාශ කල පුද්ගයින් අත්අඩංගුවට ගෙන බන්ධනාගාර ගත නොකරන්නේ මන්දැයි අසේල සම්පත් විමසයි.
පොලිසියට අනුව ඒවා පොදු දේපල නොවන්නේ දැය් ප්‍රශ්න කරන මහජන අයිතීන් සුරැකීමේ පදනමේ අසේල සම්පත් පෙන්වා දෙන්නේ මිනී පෙට්ටිය පිලිස්සීමට වඩා අති විශාල හානියක් මෙම වැවට සිදුකර ඇති බවයි.එබැවින් පොලිසියට සිතුනු සිතුනු වේලාවට පොදු දේපල පනත මතක් වීම පුදුම සහගත බවත් ඔහු ප්‍රශ්න කර සිටින අතර පොලිසියේ නීතිය ක්‍රියාත්මක වන්නේ එක් එක් අයට ඕනෑ විදියට දැයි ඔහු විසමයි.
…ගමගේ…