ත්‍රස්තවාදය වැලැක්වීමේ පනත අත්හිටුවන්න…යුරෝපා සංගමය කියයි.
ජාත්‍යන්තර මානව හිමිකම් නීති සහ රෙගුලාසිවලට සම්පූර් ණයෙන්ම අනුකූල වන තුරු ත්‍රස්තවාදය වැළැක්වීමේ පනත අත්හිටුවන ලෙස යුරෝපා සංගමය සදහන් කර තිබේ.ඊයේ (12) එක්සත් ජාතීන්ගේ මානව හිමිකම් කවුන්සිලය අමතමින් යුරෝපා සංගම් නියෝජිතයින් සාමකාමී විරෝධතාකරුවන්ට එරෙහිව අනවශ්‍ය බලය යෙදවීම හෙළා දැක තිබේ.
වගවීම සහ දණ්ඩමුක්තිය සඳහා කඩිනම් පියවර ගන්නා ලෙස ද නියෝජිත පිරිස ශ්‍රී ලංකාවෙන් ඉල්ලා ඇත. ශ්‍රී ලංකාවේ මානව හිමිකම්, ප්‍රතිසන්ධානය සහ වගවීම සම්බන්ධයෙන් යුරෝපා සංගමය ඉදිරියටත් කැපවන බවත් අවදානමට ලක්විය හැකි සහ ආන්තික තත්ත්වයන් තුළ සිටින සියලුම පුද්ගලයන්ගේ සහ කණ්ඩායම්වල ආර් ථික, සමාජීය සහ සංස්කෘතික අයිතීන් ඵලදායී හා සාධාරණ ලෙස ඉටු කිරීමේ අවශ්‍යතාවයද යුරෝපා සංගමය එහිදී පෙන්වා ඇත.