ජාතික ජන බලවේගයේ මූලිකත්වයෙන් අද (26) පැවැත්වීමට කටයුතු යොදා තිබෙන විරෝධතාවයට එරෙහිව කොළඹ, කොටුව අධිකරණය විසින් වාරණ නියෝගයක් නිකුත් කර තිබෙනවා.
ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක ඇතුළු පුද්ගලයින් 26 දෙනෙකුට අද (26) දිනය තුළ උද්ඝෝෂණ සහ පෙළපාලි පැවැත්වීම වළක්වාලමින් එම නියෝගය ලබාදුන් බවයි පොලිසිය පවසන්නේ.
අද පස්වරු 1 සිට රාත්රී 8 දක්වා කාලය තුළ දී කොටුව පොලිස් වසමට අදාළ මාර්ගවල අවහිරතාවක් සහ මාර්ගවල ගමන් ගන්නා වාහනවලට බාධා කිරීම් නොකරන ලෙසට කොටුව මහෙස්ත්රාත් අධිකරණය මඟින් අධිකරණ අඥාවක් නිකුත් කර ඇති බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිඥ නිහාල් තල්දුව නිවේදනය කරනවා. ඉහත නම් කළ සියලුදෙනාට හා උද්ඝෝෂකයින්ට ජනාධිපති ලේකම් කාර්යාලය, ජනාධිපති මන්දිරය, මුදල් අමාත්යාංශය සහ ගාලුමුවදොර පිටිය පරිශ්රය ඇතුළු නම් කරන ලද ස්ථාන කිහිපයකට ඇතුළුවීමෙන් වළකින ලෙස ද අධිකරණය දැනුම් දී තිබෙනවා.