“සමාජ මාධ්‍ය මර්දනය කිරීමට උත්සාහ කළොත්, ඊළඟ අරගලය අපි අරඹනවා”
වත්මන් ආණ්ඩුව සෑම අවස්ථාවකම ජනතාවගේ නිදහස අහෝසි කිරීමට උත්සාහ කරන බවත්, එහි අලුත්ම ප්‍රවණතාව වන්නේ සමාජ මාධ්‍ය හා සමාජ මාධ්‍ය ජාලා පාලනය කිරීමට, අවහිර කිරීමට කටයුතු කිරීම බවත් විපක්ෂ නායක සජිත් ප්‍රේමදාස පවසනවා.
මාර්ගගත දත්ත සුරක්ෂිතභාවය නමින් වචන ඉදිරිපත් කරමින් ඒ පසුපස සිදු කරන්නේ, සමාජ මාධ්‍යවල පාලනය රජය අතට ගෙන මාධ්‍ය මර්දන ක්‍රියාත්මක කිරීම බවට විපක්ෂ නායකවරයා චෝදනා කළා.
ආණ්ඩුව සිදු කරන මෙම මාධ්‍ය මර්දන ක්‍රියාවලිය ත්‍රස්තවාදයක් බැවින්, ඒ සඳහා කිසිදු ඉඩක් නොතබන බවත්, ජනතාව සමග පාරට බැස මෙම මර්දනයට හා සමාජ මාධ්‍ය පාලනයට විරුද්ධව අරගල කිරීමට පවා තමන් සූදානම් බවත් සජිත් ප්‍රේමදාස අවධාරණය කළා.
විපක්ෂ නායක සජිත් ප්‍රේමදාස මේ බව කියා සිටියේ, දෙවිනුවර ධීවර වරායේ තත්ත්වය සොයා බැලීම සඳහා (23) එහි කළ සංචාරය අතරතුර මාධ්‍ය වෙත අදහස් පළ කරමිනි .