නෞකාවක් සෝමාලියාව මුහුදේ දී පැහැර ගැනේ. ශ්‍රී ලාංකිකයින් අට දෙනෙකු එහි සේවයේ.
ශ්‍රී ලංකාවේ ධජය සහිත නෞකාවක් සෝමාලියාවට නුදුරු මුහුදේ දී පැහැර ගැනීමට ලක් වී ඇති බව වාර්තා වේ. කෙසේ වෙතත් මෙම ‘Aris13‘නම් වූ අදාළ නෞකාව ශ්‍රී ලංකාවේ තාවකාලික ලියාපදිංචිය ලබා ගෙන තිබූ අතර ජනවාරි මස අගදී එම ලියාපදිංචිය ඉවත් කර ගෙන ඇත.කෙසේවෙතත් එහි ශ්‍රී ලාංකිකයින් අට දෙනෙකු පමණ සේවයේ නිරතව සිටින බව වාර්ථාවේ.මේ අතර මේ පිළිබඳ වැඩිදුරටත් කරුණු දක්වන ශ්‍රී ලංකාවේ වරාය හා නාවික කටයුතු අමාත්‍යංශය වැඩි දුරටත් පෙන්වා දුන්නේ අදාළ නෞකාව කොමොරෝස් රාජ්‍යයේ ලියාපදිංචිය ලබා ගෙන ඇති බවය