ශ්රී ලංකාවේ යුද සමයේ සිදුවූ බව පැවසෙන මානව හිමිකම් කඩවීම් පිළිබඳව පැවැත්වීමට නියමිත පරීක්ෂණය සඳහා විදෙස් විනිසුරුවරුන් යොදා ගැනීමට ශ්රී ලංකාවේ ආණ්ඩුක්රම ව්යවස්ථාවෙන් ඉඩක් නොලැබෙන බව විදේශ අමාත්යවරයා පවසයි.මහින්ද රාජපක්ෂ ආණ්ඩුව යටතේ ජාත්යන්තර පරීක්ෂණයක් පැවැත්වීම දක්වා වර්ධනයවී තිබූ මෙම ප්රශ්නය නව ආණ්ඩුව විසින් දේශීය යාන්ත්රණයක් දක්වා ගෙන එනු ලැබ ඇතිබවත් එක්සත් ජාතීන්ගේ මානව හිමිකම් මණ්ඩලයේ දී ශ්රී ලංකාව සම්බන්ධයෙන් සම්මතවූ යෝජනාවේ සඳහන්ව ඇති කරුණු නිර්දේශයක් පමණක් වන අතර එය ක්රියාත්මක කිරීමේ හෝ නොකිරීමේ අයිතිය ශ්රී ලංකාව සතු බවත් පැවැසීය.
විදේශ කටයුතු පිලිබඳ අමාත්ය මංගල සමරවීර මේ බව කියා සිටියේ කොළඹදී පැවති මාධ්ය හමුවකදී ය.