සන්ධාන මන්ත්‍රී වසර19 ක් ඇතුලට.
වෛද්‍ය රජා ජෝන් පුල්ලේ ගේ නිවසට හා වෛද්‍ය මධ්‍යස්ථානයට ගිනි තබා රුපියල් ලක්ෂ පන්සියයක දේපළට හානි කිරීමේ සිද්ධිය සම්බන්ධයෙන් මිහින්තලය ප්‍රාදේශීය සභාවේ හිටපු සන්ධාන මන්ත්‍රීට සහ තවත් විත්තිකරුවකුට වසර 19ක හා මාස 6ක බරපතළ වැඩ ඇතිව සිරදඬුවම් සමඟ විසි දහසක දඩයක් උතුරුමැද පළාත් බද මහාධිකරණ විනිසුරු මංජුල තිලකරත්න නියම කර ඇත.උතුරු මැද පළාත් සභා මැතිවරණ ප‍්‍රචාරක කටයුතු පැවති 2008 අගෝස්තු මස 20 වන දින හෝ ඊට ආසන්න දිනයක වෛද්‍ය රාජා ක්‍රිස්ටෝපර් අලගන් ජෝන්පුල්ලේ ට හානී කිරීමේ පොදු අරමුණින් නීතිවිරෝධි රැස්වීමක සාමාජිකයන් වී අයුතු ඇතුළුවීමක් සිදුකර දේපළට ගිනිතබා අනර්ථයක් සිදුකිරීම හා පහරදීම් ඇතුළු චෝදනා 15ක් යටතේ විත්තිකරුවන් අධිකරණය හමුවේ අධිචෝදනා ලැබ සිටියහ.
විත්තිකරුවන් පස්දෙනකු මහාධිකරණය හමුවේ අධිචෝදනා ලැබ සිටි අතර ඉන් බී. එම්. ප්‍රසන්න, ජී.එච්. නිරාන් සහ ටී.එම්. ඒකනායක යන විත්තිකරුවන් සියලු චෝදනාවලින් නිදොස් කොටනිදහස් කිරීමට විනිසුරුවරයා නියෝග කළේය. ඒ අතුරින් දඬුවම් නියම වූයේ මිහින්තලේ ප්‍රාදේශීය සභාවේ එක්සත් ජනතා නිදහස් සන්ධනා මන්ත්‍රී අනිල් පුෂ්පානන්ද සහ ගාමිණී ජයසුරිය නැමැත්තා හෙවත් රාලාට ය. මොවුන් දෙදෙනාට පැමිණිල්ල විසින් එල්ල කර ඇති චෝදනා සාධාරණ සැකයෙන් ඔබ්බට පැමිණිල්ල විසින් ඔප්පු කොට ඇති බව විනිසුරුවරයා සඳහන් කළේය.
මෙම නඩුවේ දෙවන විත්තිකරු වූ හිටපු උතුරු මැද පළාත් සභා මන්ත්‍රී පල්ලියගුරුගේ ගාමිණි පෙරේරා මහතා නඩුව විභාග අතරතුර දී මරණයට පත්විය.