සයිටම් සටනේ තිරණාත්මක තින්දුවක් අද.
මාළඹේ සයිටම් ආයතනය වසා දැමීමට අදාළව වෘත්තීය ක්‍රියාමාර්ග ඇතුළු තීන්දු තීරණ ගැනීමේ විශේෂ සාකච්ඡාවක් අද (03) පෙරවරුවේ රජයේ වෛද්‍ය නිලධාරීන්ගේ සංගමය හා එක්ව සිදුකරන බව ජාතික වෘත්තීය සමිති මධ්‍යස්ථානය පවසයි.
රජයේ වෛද්‍ය නිලධාරීන්ගේ සංගමය සමඟ එක්ව සිදුකරන මෙම සාකච්ඡාවට වෘත්තීය සමිති රැසක් සහභාගි වන බව ජාතික වෘත්තීය සමිති මධ්‍යස්ථානයේ සභාපති, ජනතා විමුක්ති පෙරමුණේ දේශපාලන මණ්ඩල සභික කේ.ඩී. ලාල් කාන්ත කියා සිටියි.
සයිටම් ගැටලුව විසඳීමට ජනාධිපති මෛත්‍රිපාල සිරිසේන ලබාදුන් සතියක කාලය මේ වනවිට අවසන් වී ඇති බැවින් දැවැන්ත වෘත්තීය ක්‍රියාමාර්ග ගැනීමටද සූදානම් බව රජයේ වෛද්‍ය නිලධාරීන්ගේ සංගමය දන්වා තිබිණි.