සිසුන් දෙපිරිසක් ගැටේ.
සිසුන් දෙපිරිසක් අතර ඇතිවූ ගැටුමක් නිසා මහනුවර උසස් තාක්ෂණ ආයතනය දින නියමයක් නොමැතිව වසා දැමීමට එහි පාලන අධිකාරිය තීරණය කර ඇත.
එහෙත් තොරතුරු තාක්ෂණ පාඨමාලා අංශය හැර සෙසු අංශවල අධ්‍යයන කටයුතු යළි දැනුම්දෙන තුරු නොපැවෙත්වන බව පාලනාධිකාරිය සිසුන් වෙත දැනුම් දී ඇත.
මහනුවර බෝගම්බර පිහිටි උසස් තාක්ෂණ ආයතනයේ උසස් තාක්ෂණ ගණකාධිකරණ ඩිප්ලෝමා පාඨමාලාව අම්පිටිය දඹවෙල ප්‍රදේයේ ස්ථානයක පවත්වා ගෙන යෑමට පාලන අධිකාරිය සැලසුම් කර තිබේ.
ඒ සම්බන්ධයෙන් සිසුන්ට දැනුම් දීම සඳහා වන පෝස්ටරයක් ඇලවීමේ සිද්ධියක් මුල් කර ගනිමින් අදාළ තීරණයට පක්ෂ හා විපක්ෂ සිසු දෙපිරිසක් අතර ගැටුම ඇතිව තිබෙන බවත්.
ගැටුම හේතුවෙන් සිසුන් කිහිපදෙනෙකු සුළු තුවාල ලබා තිබෙන බවද වාර්තා වෙයි.
සිද්ධිය සම්බන්ධයෙන් මහනුවර පොලීසිය පරීක්ෂණ පවත්වයි.