දිවයිනේ සුළං වේගය වැඩි වේ.. ඇතැම් ප්‍රදේශවලට තද වැසි..
දිවයින හරහා (විශේෂයෙන් මධ්‍යම කඳුකර ප්‍රදේශවලත්, සබරගමුව, උතුරුමැද, මධ්‍යම ඌව සහ දකුණු පළාත්වලත් මඩකලපුව සහ අම්පාර දිස්ත්‍රික්කවලත්) සහ බස්නාහිර, දකුණු මුහුදු ප්‍රදේශවල සුළඟේ වේගය වැඩිවීමේ හැකියාවක් ඇති බව කාලගුණ විද්‍යා දෙපාර්තමේන්තුව කියා සිටී.
එසේම සබරගමුව හා මධ්‍යම පළාත්වලත් ගාල්ල, මාතර හා කළුතර දිස්ත්‍රික්කවලත් විටින් විට වැසි හෝ ගිගිරුම් සහිත වැසි ඇතිවිය හැකි බවත් වයඹ පළාතෙත් කොළඹ, ගම්පහ, හම්බන්තොට දිස්ත්‍රික්කවලත් වැසිවාර කීපයක් ඇතිවිය හැකි අතර රත්නපුර, කෑගල්ල, මහනුවර, ගාල්ල, මාතර සහ කළුතර දිස්ත්‍රික්කවල ඇතැම් ස්ථානවල තරමක් තද වැසි බලාපොරොත්තු විය හැකි බවත් කාලගුණ විද්‍යා දෙපාර්තමේන්තුව ප්‍රකාශ කර සිටී.