ජාතික භික්‍ෂු දින සැමරුම හෙටයි.
අගෝස්තු 26 දිනට යෙදෙන ජාතික භික්‍ෂු දිනය වෙනුවෙන් වන සැමරුම හා සම්මන්ත‍්‍රණය මෙවරත් පැවැත්වීමට ජාතික භික්‍ෂු පෙරමුණ කටයුතු සංවිධානය කර ඇත.
අගෝස්තු 26 ප.ව. 2.30 ට කොළඹ නව නගර ශාලාවේදී මෙය පැවැත්වෙන අතර විහාරමහාදේවී උද්‍යානයේ බුදු පිළිමය අසළින් ඇරඹෙන පාගමනකින් අනුතුරුව සැමරුම හා සම්මන්ත‍්‍රණය පැවැත්වීමට සැලසුම් කර ඇත.
” රට, රටේ හෙට සහ භික්‍ෂුවගේ වගකීම” මැයෙන් පැවැත්වෙන සම්මන්ත‍්‍රණය සහිත මෙම උත්සවයේ මුලසුන ශී‍්‍ර ලංකා රාමඤ්ඤ මහ නිකායේ අධිකරණ ලේඛකාධිකාරී, මහාචාර්ය අත්තංගනේ රතනපාල නාහිමිපාණන් වහන්සේ උසුලනු ලබති. ජනතා විමුක්ති පෙරමුණේ ප‍්‍රධාන ලේකම් ටිල්වින් සිල්වා ප‍්‍රධාන දේශනයක් පවත්වන අතර අමාත්‍යංශ හිටපු ලේකම් යූ.ඒ.ඞී. ගුණසේකරද දේශනයක් පැවැත්වීමට නියමිත බව සඳහන් වේ.