කෝට්ටේඇසල පෙරහැර – රථ වාහන ගමනාගමනය සීමා කරයි.
මිරිහාන පොලිස් වසමේ කෝට්ටේ රජමහා විහාරස්ථානයේ ඇසල උත්සවයේ අවසන් දළදා පෙරහැර සැප්තැම්බර් 01 හා සැප්තැම්බර් 02 දින පස්වරුවේ ආරම්භ වී වීදි සංචාරය කිරීමට නියමිතව ඇත.
එම හේතුවෙන් ඉහත දින දෙක තුළ කෝට්ටේ පාර, පිටකෝට්ටේ හංදියෙන් රථ වාහන ගමනාගමනය සීමා කිරීමට පියවර ගෙන ඇති බවත් එබැවින් විකල්ප මාර්ග භාවිත කර මාර්ග තදබදය අවම කිරීමට සහය වන ලෙසත් පොලීසිය මහජනතාවගෙන් ඉල්ලා සිටී.