පාකිස්ථාන ජාතිකයෙක් කටුනායකදී අත්අඩංගුවට.
කටුනායක ජාත්‍යන්තර ගුවන් තොටුපලේදී, ගුවන් තොටුපල පොලිස් මත්ද්‍රව්‍ය කාර්යාංශයේ නිලධාරීන් විසින්, පාකිස්ථානයේ සිට මෙරටට පැමිණි මඟියෙකු අත්අඩංගුවට ගෙන ඇත. සැකකරුගෙන් දීර්ඝ ලෙස කරන ලද ප්‍රශ්ණ කිරීමේදී සැකකරු මත්ද්‍රව්‍ය අඩංගු ගුලි ගිලදමා ඇති බවට අනාවරණය වී ඇත. පසුව සැකකරු මීගමුව රෝහලට ඇතුළත් කර ඇති අතර රෝහලේදී සැකකරු ගිල ඇති මත්ද්‍රව්‍ය ගුලි 21 ක් මළපහ සමඟ පිටකර ඇත. සැකකරු පාකිස්ථාන ජාතිකයෙක් වන අතර ඔහු මීගමුව රෝහලේ පොලිස් ආරක්‍ෂාව යටතේ නේවාසිකව සිටින බව සඳහන් වේ.