ක්‍රිකට්වලටත් විවාදයක්..
ක්‍රිකට් ප්‍රශ්ණය ගැන පාර්ලිමේන්තු විවාදයක් ඉල්ලා සිටීමට ඒකාබද්ධ විපක්‍ෂයේ අවධානය යොමු වී ඇතැයි වාර්ථා වේ. ඒකාබද්ධ විපක්‍ෂයේ ජ්‍යෙෂ්ඨ නියෝජිතයෙකු ප්‍රකාශ කර ඇත්තේ ඉදිරි පක්‍ෂ නායක රැස්වීමේදී මෙම යෝජනාව ඉදිරිපත් කිරීමට බලාපොරොත්තු වන බවයි. ක්‍රිකට් පරිපාලනයේ පවතින අඩුපාඩු වහාම නිවැරදි වියයුතු බවත් හොඳ මානසිකත්වයකින් තරඟ කිරීම සඳහා ක්‍රීඩකයින්ට අවශ්‍ය පරිසරය සකසාදීම වගකිවයුත්තන්ගේ කාර්යභාරය බවත් මේ වන විට ඒවා නිසි පරිදි සිදු නොවීම නිසා ශ්‍රී ලංකා ක්‍රිකට් බරපතල අර්බුදයකට මුහුණපා සිටින බවත් ඔහු ප්‍රකාශ කර ඇතැයි සඳහන් වේ. මෙ අනුව ක්‍රිකට් අර්බුදය ගැන දිනක කල්තැබීමේ විවාදයක් පාර්ලිමේන්තුවේ පැවැත්වීම කාලීන අවශ්‍යතාවයක් බව ඔහු වැඩිදුරටත් පවසා ඇත.