ගංජා සමග දෙදෙනෙක් අත්අඩංගුවට.
යාපනය වාංකාන් ප්‍රදේශයේදි ගංජා කිලෝග්‍රෑම් 03 ක් යතුරු පැදියකින් ප්‍රවාහනය කරමින් සිටි දෙදෙනෙකු ඊයේ සවස යාපනය පොලිස් විශේෂ කාර්යය බලකායේ නිළධාරින් විසින් අත්අඩංගුවට ගෙන මානිප්පායි පොලිසිය වෙත භාර දී ඇත.
සැකකරුවන් අවුරුදු 37,38 වයස් වල පසුවන අතර ඔවුන් චුන්නාගම් හා කයිට්ස් ප්‍රදේශ වල පදිංචිකරුවන් වේ. සැකකරුවන් අද(05) අධිකරණය වෙත ඉදිරිපත් කිරීමට නියමිත අතර මානිප්පායි පොලිසිය වැඩිදුර විමර්ශන කටයුතු සිදුකරයි.