ලොකු ලූණු ගොවියන්ට සිය අස්වැන්න විකුණාගැනිමට නොහැකිව සිය අස්වැන්න කුණු කූඩයට දමද්දී නිහඩව බලා සිටිය රජය මෙරටට ලොකු ලූණු ආනයන කරැවන්ට සිත්සේ ලොකු ලූණු තොග රැස්කිරීමට අවස්ථාව ලබාදී ඊයේ(25) දින ආනයනික ලොකු ලූණු සදහා වන බද්ද 100% කින් වැඩි කිරීම අශ්වයා ගිය පසු ඉස්තාලය වැසීමක් ලෙස ජාතික පාරිභෝගික අයිතීන් සුරැකීමේ ජාතික ව්යාපාරය ප්රකාශ කරයි. රජය ආනයනික බදු වැඩි කල සෑම අවස්ථාවකම එම බදු අය කලේ අවශ්ය අවස්ථාවේ නොවන බවත් ඔවුන් කියා සිටී.
ලොකු ලූණු වගාකල ගොවියන් අසරණ කරමින් අතරමැදියන් විසින් ලොකු ලූණු මිලදී ගෙන අලෙවි කිරීමේදී සිදුවන්නේ පාරිභෝගිකයා ගසා කෑමක් බවත්, ඒ අනුව හෙට දිනයේදී ලොකු ලූණු මිල වැඩිවිම කිසිසේත්ම නැවැත්වීමට රජයට නොහැකි බවත් ඔවුන් කියා සිටී.
ගොවියාට සාධාරණ මිලක් ලැබෙන හා පාරිභෝගිකයාට සාධාරණ මිලකට ලොකු ලූණු ලබා ගැනීමට අවස්ථාව සැලසීම රජයේ යුතුකම වියයුතු සේම රජයට ගැතිකම් කරන ව්යාපාරිකයින්ගේ මඩිය තර කිරීම රජයේ වැඩ පිළිවෙල නොවිය යුතු බවත් ඔවුන් වැඩිදුරටත් පෙන්වා දෙයි.