96 ක් ඉන්න අයට වඩා අපිට ආණ්ඩුව පිහිටුවන්න හැකියාව තියෙනවා – ඇමති කබීර් හෂීම් කියයි.
සමහරු ආණ්ඩු පිහිටුවීමට කතා කළත්, 96 ක් තියාගෙන ආණ්ඩු පිහිටුවන්න කතා කරන අයට වඩා හැකියාවක් ආණ්ඩුවේ බහුතරය සිටින එක්සත් ජාතික පක්ෂයට ඇතැයි එක්සත් ජාතික පක්ෂයේ මහලේකම් රාජ්‍ය ව්‍යවසාය සංවර්ධන අමාත්‍ය කබීර් හෂීම් පවසා සිටී. අමාත්‍යවරයා මෙසේ අදහස් දැක්වූයේ කෑගල්ල දිස්ත්‍රික්කයේ එක්සත් ජාතික පක්ෂ ප්‍රධාන රැළිය කෑගල්ල නිදහස් මාවතේදී පැවති අවස්ථාවේදී ය.
වැඩි දුරටත් අදහස් දැක් වූ කබීර් හෂීම් අමාත්‍යවරයා අවධාරණය කර සිටියේ, පළාත් සභා සහ ප්‍රාදේශීය සභා බලය නොමැතිව ආණ්ඩුවෙ භාගයක බලය තබාගෙන කටයුතු කරන එක්සත් ජාතික පක්ෂය ඉදිරියේදී පළාත් පාලන සහ පළාත් සභාවන්හී බලයත් ලබා ගැනීමෙන් අනතුරුව වසර විස්සක් විපක්ෂයේ සිට ගුටි බැටවලට මුහුණ දෙමින් දුක් විඳි පාක්ෂිකයාට වැඩි අවස්ථාවක් ලබා දීමට හැකි බවයි.