ඉකුත් මාසයේ ඩෙංගු රෝගීන් 6203ක්.
ජනවාරි මාසය තුළ ඩෙංගු රෝගීන් 6203ක් වාර්තා වී ඇති බව සෞඛ්‍ය අමාත්‍යාංශයේ වසංගත රෝග විද්‍යා ඒකකය පවසා ඇත. එමෙන්ම කඩින් කඩ ඇතිවන වැසි හේතුවෙන් යළි ඩෙංගු රෝගය පැතිර යාමේ අවදානමක් ඇතැයි සෞඛ්‍ය බලධාරීහු පෙන්වා දී ඇත.
සමස්ත ලංකා මහජන සෞඛ්‍ය පරීක්ෂකවරුන්ගේ සංගමයේ ලේකම් බී. එම්. එම්. බාලසූරිය ප්‍රකාශ කර ඇත්තේ, ඩෙංගු මදුරුවන් බෝ නොවන ආකාරයට පරිසරය පිරිසිදුව පවත්වාගෙන යාමට කටයුතු කිරීම වැදගත් බවයි.