දූෂණ විරෝධී මතය ශක්තිමත් කිරීම ජාතික ප්‍රගමනයේ ආත්ම ආරක්ෂාවයි.ජනාධිපති මෛත්‍රිපාල සිරිසේන.
“දූෂණ විරෝධී මතය ශක්තිමත් කිරීම ජාතික ප්‍රගමනයේ ආත්ම ආරක්ෂාව බව” ජනාධිපති මෛත්‍රිපාල සිරිසේන පවසයි.
දේශප්‍රේමීත්වය යනු “මූල්‍ය විනය” අනුව කටයුතු කිරීම බව පෙන්වාදෙන ජනාධිපතිවරයා “මුල්‍ය විනයක්” ඇති කිරීමට පුළුල් ජාතික ව්‍යාපාරයක අවශ්‍යතාව තිබෙන බව 70 වෙනි නිදහස් සමරු උළෙලේ දී ජාතිය අමතමින් පැවසුවේය.
කොළඹ ගාලූ මුවදොර පිටියේදී ජාතික නිදහස් සැමරුම් උත්සවය පැවැත්වුණේ ජනාධිපති මෛත්‍රීපාල සිරිසේනගේ ප්‍රධානත්වයෙනි.
“එකම දැයක්” යන තේමාව යටතේ සංවිධානය කර උත්සවයේ විශේෂ ආරාධිතයන් ලෙස රාජ්‍ය තාන්ත්‍රික අමුත්තන් රැසක් එක්ව සිටියහ.
බ්‍රිතාන්‍යයේ එලිසබෙත් රැජිනගේ බාල පුත් එඩ්වඩ් සහ ඔහුගේ බිරිඳ සොෆී නිදහස් සැමරුම් උළෙලට එක්ව සිටියේ එලිසබෙත් රැජිනගේ නියෝජිතයන් ලෙසය.